tradusaun ba Monte laleno and its wind

Monte Laleno ho ninia Anin

Hader, O… anin Laleno, mai no hu’u neneik ba
Hu’u neneik sa’e ba leten no tun ba kraik Monte Laleno
Hu’u neneik O… anin Laleno, to’o rai dadersan no rai nakukun
Hu’u ba rai kuak, emar sira nia hahalok a’at
Hu’u a’as ba lalehan emar sira nia spirito.
Spirito unidade, spirito reconciliasaun,
Spirito paz, spirito harmonia, spirito domin (amor) no servisu-badinas

O… Monte Laleno ho ninia anin, hamrik a’as iha ema hotu nia le’et
Hatudu mai hau ita nia hu’u furak ne’e, to’o rai dadersan no rai nakukun
Ita nia hu’u morin no hu’u naroman
Ita nia hu’u nakonu ho fruta furak no murak
Fruta nebe hau desejava durante decadas
Fruta nebe hau perdi durante tin-tinan
Fruta nebe hau espera durante ful-fulan, lor-loron no or-oras

O… Monte Laleno ho ninia anin
Loke ita liman no hakuak hau besik
Hakuak metin hau ba ita nia sorin no hanorin hau
Hanorin hau ho ita nia hu’u furak ne,
Hanorin hau atu tuir ita nia hu’u ba nebe-nebe deit
Hanorin hau atu tuir ita nia hu’u, sa’e ba leten no tun ba kraik Monte Laleno
Hanorin hau atu comprende ita nia hu’u malirin iha kalan ne’e

O… Monte laleno ho ninia anin
Hamrik as iha curtina kotuk kleur tebes ona
Tempo to’o ona atu Ita hu’u Ita nia anin kalan malirin
Hatudu ba mundo tomak katak Ita bele hamrik a’as no a’as liu tan
Espera katak, Ita bele hamrik a’as liu tan iha hau nia fuan no laran
Espera katak, Ita bele fo mahon ba Ita nia povo
Espera katak Ita bele fo Ita nia anin kalan malirin ba Ita nia povo

By: Ernesto D.C Pinto